viernes, 12 de enero de 2024

Primeira xuntanza do grupo "Monte dos Libros" do Clubiblioneme

O venres 12 de xaneiro, no primeiro recreo, faise a posta en común do primeiro libro lido no clube de lectura: As lágrimas de Shiva.

A opinión sobre esta lectura foi moi positiva. Todas as lectoras opinan que a lectura as enganchou e a recomendarían porque contén amor, misterio, referencias literarias e está moi ben escrita.

jueves, 8 de junio de 2023

3ª Xuntanza do grupo "Monte dos Libros" do Clubiblioneme

"22 segundos" de Eva Mejuto

Alex conta en primeira persoa como vive a súa infancia e adolescencia desde que se dá conta que a súa identidade de xénero non coincide co sexo que lle asignaron ao nacer.

viernes, 31 de marzo de 2023

2ª Xuntanza do grupo "Monte dos Libros" do Clubiblioneme


Desta volta o libro elixido foi O diario de Carlota, de Gemma Lienas. Trátase dun diario no que a protagonista de catorce anos reflexiona, coa axuda da súa avoa, sobre as desigualdades entre homes e mulleres analizando as diferentes situacións machistas da sociedade actual.

martes, 14 de febrero de 2023

Reflexións lectoras. Grupo "O Monte dos Libros"

Medo, de Care Santos, é a terceira entrega da saga da escritora, que comezou con Mentira e continuou con Verdade.
Nesta novela os personaxes experimentan o medo a perder os seres amados, a perdelo todo na vida e incluso á morte. 
Se queres saber máis, anímate a ler o libro.

martes, 24 de enero de 2023

1ª Xuntanza do grupo "Monte dos Libros" do Clubiblioneme

 O mércores, 24 de xaneiro, reuniuse na biblioteca o grupo "Monte dos Libros" para analizar a obra de Care Santos titulada "Medo". 

jueves, 10 de noviembre de 2022

Inicio das actividades do grupo “O Monte dos Libros”

 O xoves, 10 de novembro, o grupo “O Monte dos Libros” inicia as súas actividades.

Os integrantes son:

ü Celia Ures Rodríguez

ü Valeria Rodríguez Cotelo

ü Aisha González Eirís

ü Zaira Fraga Tasende

ü Marcos Loureiro Castro

ü Alberto Santamaría Villar

ü Nerea Antelo Benítez

ü Alba Eirín Castelo

ü Alexia Marta Varela

ü Estela Rodríguez Hurtado de Mendoza

A proposta para o primeiro trimestre é “Medo” de Care Santos.

miércoles, 15 de junio de 2022

REFLEXIÓNS LECTORAS. Grupo “O monte dos libros”

Coñecer e experimentar o Camiño de Santiago a través de lecturas foi o obxectivo deste trimestre coas lecturas seleccionadas polo grupo.

Endrina e o segredo do peregrino foi a proposta lectora elixida por Adriana e Alba. O que máis lles interesou foi o personaxe de Endrina, como evoluciona e o que atopa e investiga no camino.


A novela gráfica Un noruego en el Camino de Santiago é considerada por Kevin, Nerea e Uma como unha obra cómica, con momentos especialmente divertidos, vividos en primeira persoa polo autor. Sinalan que o máis interesante desta obra non é o camiño. O importante son as experiencias e os pensamentos que xenera o traxecto.


Para Sara, Carme, Natalia e Eva a lectura de A arte de trovar de Santiago Lopo resultou moi interesante por varias cuestións: ofrece moitos datos da realidade cultural (importancia da lírica galego-portuguesa), política e social da Galicia do século XIII. Así mesmo, atopáronse cunha novela cuxa intriga as atrapou desde o primeiro intre.


Despedimos este curso coas recomendacións lectoras de Biblioneme para este verán.